Medicina tarawına itibar

Qanlıkól rayonında densawlıqtı saqlaw sistemasın jetilistiriw, medicinalıq xızmetlerdiń sapa nátiyjeliligin arttırıw baǵdarında rayon hákimi B.Sultanov rayonlıq medicina birlespesinde boldı.
Birlespeniń tiykarǵı baǵdarları, imkaniyatlar hám rejelestirilgen jumıs-lardı qamtıp alǵan bólim basshılarınıń prezentaciyaları menen tanıstı. Hár bir bólim juwapkeri óz baǵdarı boyınsha ámelge asırılıp atırǵan jumıslar, mashqalalar, imkaniyatlar hám jaqın kúnlerdegi rejeler haqqında maǵlıwmat berdi.

Ilajda medicina mákemelerindegi nátiyjelilikti arttırıw, nawqaslarǵa kórsetiletuǵın xızmetlerdi jedel hám sapalı shólkemlestiriw, xızmetkerlerdiń mamanlıǵın arttırıw hám zamanagóy medicinalıq texnologiyalardı engiziw máselelerine ayrıqsha itibar qaratıldı.