“Mehirli insanlar”

Balalarǵa sawǵa

Qanlıkól rayonı medicina birlespesi Balalar bóliminde “Mehirli insanlar” qorı hám xalıqaralıq shólkemlerdiń grant qarjıları tiykarında “Balalar dem alıw hám fizioterapiya xanası” shólkemlestirildi.
Bul balalardıń emleniw procesin jáne de nátiyjeli shólkemlestiriw, olardıń fizikalıq hám ruwxıy tikleniwine unamlı tásir kórsetiwge xızmet etedi.
Ilajda rayon hákimligi wákilleri, medicina xızmetkerleri qatnasıp, bul iygilikli baslamanı ámelge asırıwda belsendilik kórsetken birge islesiwshi shólkemlerdiń wákillerine minnetdarlıq bildirdi. Mámleketlik hám jámiyetlik birge islesiwde ámelge asırılıp atırǵan bunday joybarlar xalıqqa kórsetilip atırǵan medicinalıq xızmetlerdiń sapasın arttırıwǵa xızmet etedi.
Búgingi kúnde densawlıqtı saqlaw sistemasın modernizaciyalaw, medicinalıq mákemelerdi zamanagóy infrastruktura menen támiyinlew hám balalardıń salamatlıǵın bekkemlew mámleketlik siyasatta tiykarǵı wazıypa sıpatında belgilengen.